Padaghanay Sa Tawo

Mga himan:

1. baga nga libro nga naay daghang drowing (kon kinawat gikan sa titser, mas maayo)
2. lingkoranan (sa luyo nga bahin sa klasrom)
3. bolpen nga kanang magtai-tai ang tinta.

Paagi sa pagdula:

Mas nindot nga himoon ang dula kon magleksiyon ang maestra. Kinahanglan nga ang modula ini kanang kinabugoyan nga pyupil kay kuyaw ra ba nig ending dulaa. Samtang tua sa kinaulhian nga lingkoranan, magsabot ang duha ka magdudula kon asa siya, sa tuo ba kun sa wala nga pahina. Unya paklion dayon ang pahina. Iphon ang drowing nga tawo. Kon kinsay labaw, imaynos sa tawo sa pikas. Kon pilay sobra, pitikan ang kamot sa kontra. Pananglit sa wala nga pahina naay lima ka tawo unya naa lay duha sa tuo, daog ang kadtong naa sa wala unya mopitik siyag duha sa iyang kontra. Ang dula magpadayon hangtod maabot sa kataposang pahina sa libro. Kon lupig ka unya mipula na ang imong kamot kay bun-og na sigeg pitik sa imong kontra, kuhaa ang bolpen nga nagtai-tai unya iwisik ang tinta sa iyang t-shirt. Kon masuko, han-ig sumbag. Kon mosukol, isumbong sa maestra. Kon wa dinha ang maestra, han-ig dunggab sa bolpen. Kon mosukol gihapon, dagan og seguro kay kuyaw na ni.


labyog...
bay tomas